Қырғызстан президенті Садыр Жапаров елде мәйіттерді кремациялауға тыйым салатын заңға қол қойды деп жазады Democrat.kz.
Жаңа заңға сәйкес, қайтыс болғандардың, өлі туған нәрестелердің, сондай-ақ иесіз және жеке басы анықталмаған денелерді өртеуге тыйым салынып, олар тек дәстүрлі түрде жерге беріледі.
Сондай-ақ заңнамадан кремацияға, колумбарийлерге, күл салынатын урналарға және еске алу қабырғаларына қатысты барлық ұғымдар толығымен алынып тасталды. Дегенмен крематорийлер толық жабылмайды олар енді тек медициналық-биологиялық қалдықтарды, яғни адам ағзалары мен тіндерін термиялық жолмен жою үшін ғана пайдаланылады.
Жаңа талаптар заң ресми жарияланған күннен бастап 10 күннен кейін күшіне енеді.
