Ресейдің әскери элитада топалаң: Шойгудың басына қара бұлт үйірілді

06 наурыз 2026

358

Ресейдің әскери элитада топалаң: Шойгудың басына қара бұлт үйірілді

Фото интернеттен.

Ресейде тағы бір танымал генерал, бұрынғы қорғаныс министрі Сергей Шойгудың бірінші орынбасары Руслан Цаликов тұтқындалды деп хабарлайды Democrat.kz. сайты Ertenmedia.kz.-ке сілтеме жасап.

Цаликовқа бюджет қаржысын жымқыру мен пара алуға байланысты барлығы 14 қылмыстық эпизод бойынша айып тағылыпты. Генерал соғысқа арналған ақшаны талан-таражға салды деген күдік бар.

Тұтқындаудың басты себебі Қорғанминнің тағы бір орынбасары Тимур Ивановқа қатысты қылмыстық іспен байланыстырылып отыр. Бір жыл бұрын Цаликов дәл сол Ивановқа қарсы куәлік еткен болатын.

Ивановтың өзі 1,185 миллиард рубль пара алды және 4 миллиард рубльден астам қаржыны банк арқылы жымқырды деген айыппен қамауда отыр.

Руслан Цаликов 1994 жылдан бастап 2012 жылға дейін Сергей Шойгудың жанында Төтенминде қызмет еткен. Кейін Қорғанмин-ге ауысып, қаржы бақылау, сот-құқық және ақпараттық саясат бойынша жауапты болды. Шойгу қызметтен кеткен соң, Цаликов та лауазымынан босатылды.

Mash Telegram-каналының хабарлауынша, генералдың туыстары жаңалықты БАҚ-тан естіп, шок болған. Олар күні бойы Цаликовпен және оның әйелімен байланысқа шыға алмаған.

Контекст

2024 жылдан бері Ресей қорғаныс министрлігінде ауқымды тазарту науқаны басталған еді. БАҚ мұны «генералқырылған» деп атап кеткен. Қазіргі қорғаныс министрі Андрей Белоусов тағайындалғаннан кейін басталған науқан барысында 10-ға жуық генерал қамауға алынды. Олардың ішінде экс-министр Шойгудың төрт бірдей орынбасары бар.