Роза Аширбаева НЗМ оқушысына қатысты пікір білдірді

29 мамыр 2025

483

Роза Аширбаева НЗМ оқушысына қатысты пікір білдірді

Танымал фембике Роза Аширбаева мектеп бітіруіне небәрі екі күн қалғанда мектептен шығарылған НЗМ оқушының жағдайына байланысты алаңдап, ата-ана ретінде көпшілікке арналған жазба қалдырды. Ол әлеуметтік желіде:

Менің де ұлым биыл 11 сынып бітіріп жатыр. Өз талабы, білімі және тәрбиесіне сай емтихандарын тапсырып жатыр. Біз араласпаймыз, тек эмоционалды қолдау, демеу береміз. Үлгі көрсетеміз, өзіміз оқымасақ бала қайдан оқысын?

Баланың кәмелет жасы - жәй туған күн емес, үйден және мектептен алған тәрбиесінің нәтижесі. Өз баламды НИШтан шығып қалған оқушының орнына қойдым. Мен ата-ана ретінде үнемі баламның жағында болуым керек. Бірақ баланың жағында болу мен оған жауапкершілікті үйрету - екеуі екі түрлі процесс. Бүгінгі кішкентай ботақан - ертеңгі ер азамат. Заңға, ережеге бағыну, біреудің ала жібін аттамау, адамды сыйлауды балама үйретпесем - оған жасаған қиянатым болады. Ол ертең мұндай әдетпен әлемнің ешбір еліне сыймайды. Сүрінбейтін тұяқ жоқ, балам сондай әрекет жасаса мен не істер едім деген ой келді. Мен оны қорғау үшін барымды салар едім. Оның бет-әлпетін әшкере етпей, басқа мектепке ауыстырып, 11-ші сыныпты қайта оқытар едім. Сабаққа дайын болмау - баланың да ата-ананың да тәрбиеден кеткен қателігі. Бір-бірімізді кінәламай болған істі бірге мойнымызбен көтерер едік. Бәріміз куә болып отырған жағдайда ата-ана баланы интернетке шығарып қойып, өздері орысша білмеймізге салды, одан депутаттарға шықты, тіпті бала арқылы Тоқаевқа қолқа салды… Жалпы жасөспірімнің артыны тығылып, оны айдап салып екеуі не істеп отыр деген ой келеді. Емтиханды өзі телефонсыз тапсыра алмаса бұл - көрсеткіш. Осыншама шу шығарып, баланың болашағына балта шаппау керек еді деп ойлаймын. Бала десе жанымызды шүберекке ораймыз. Біреуге ақыл айтқанда бәледейміз ғой, ешкімнің басына бермесін. Оқушыға обал болды, енді оны ешкім ұмытпайды, үнемі бетіне басады. Интернет помнит всё!", - деп жазды фембике.