Кеше қазақ жұрты абыз ақсақалы, дара туған ақыны Мұхтар Шахановты ақтық сапарға туған жеріне Алматыдан шығарып салды. Осы жаназада көзге тұрпайы көрінетін әдепсіз жайттар болғанын айтқан Азамат Әбілқайыр ренішін білдірді деп жазады Democrat.kz.
Threads желісінде Азамат Әбілқайыр: "Ақын Мұхтар Шахановпен қоштасу рәсіміне әнші Қайрат Нұртас келді.
Елеусіз, ың-шыңсыз кіріп-шыққысы келгені байқалады. Бірақ біраз адам ұстап алып, (ақсақалдар мен қарасақалдар) жаппай фотоға түсіп, әрі-бері тартқылап есін тандырды.
Жарайды, Қайрат ондайды бірінші рет көріп тұрған жоқ. Бірақ үлкен кісілердікі не? Қайратпен дәл садақада түсу керек пе? Жаназасы оқылмады ғой!
Әй, мәйіт жатыр ғой. Әруақты сыйласаң нетті?! Ұят қой, ағалар-ау!
Сана жоқ. Деңгей жоқ. Өре жоқ",деп жазды.
