Қоғам белсендісі, "Тәуекел" ұйымының жетекшісі Бурахан Дақанов әлеуметтік желідегі парақшасында дабыл қағып, жазба жариялады деп жазады Democrat.kz.
Өз жазбасында Бурахан Дақанов Солтүстік өңірлерге басқа аймақтардан отбасыларды көшіру бағдарламасындағы кей өзгерістердің кесіріне қатысты айтып: "Үкімет сыртқы көші қонды да, ішкі, Солтүстікке көшті де тоқтатуға шешім қабылдаған секілді.
Енді, Солтүстікке Оңтүстіктен көшкен адам, үкіметтен үй алуға көмекті тек бір жылдан кейін ғана ала алады. Және бір жыл осында ресми жұмыс жасап, жалақыны осы Солтүстік көлемінде алу керек. Оның үстіне, жол пұлын өтейтін, әр адамға беретін 300 мыңдық көмекті, үш айдан кейін ғана алады. Бұл Оңтүстіктегі көп балалы отбасылардың көшуін тоқтатады. Өйткені мына көмектерді алу үшін ол адам диплом арқылы ресми жұмыс жасауы тиіс.
Ал Оңтүстіктен келетін көп адамның, көп баласынан басқа ештеңесі жоқ.
Жалпы, осыдан ақ, Үкіметке Солтүстіктегі адам санының көбеюі немесе жабылайын деп тұрған шекаралық ауылдардың құтқарылуы маңызды емес екенін көрсетеді. Бұл енді сұмдық.
Өзімді шарасыз сезініп отырмын. Осы көштің жайма шуақ заманында бұданда қатты жұмыс істеп, біраз қазақты алдырып үлгеруім керек еді. Өкінішке орай менің айқайымды жергілікті байларда, халықта, билік те естімеді. Әттең ай әттең.
"TAUEKEL". Теріскей бізге аманат"деп дабыл қақты.
