Белсенді педагог, білікті ұстаз Айман Сағидулла бұдан былай мұғалімдердің құқығын қорғау, білім саласындағы мәселелерді шешуге атсалысу сынды жұмыстарды тоқтататынын мәлімдеді деп жазады Democrat.kz.
"Мен министрліктің заңдар мен бұйрықтарды түзетуге арналған жұмыс тобындамын.
Жұлдыз Досбергенқызы Сүлейменова ханым сенді, қосты. Рақмет!
Сонымен қатар Жаңатұрмысқа мектеп сұраудамын.
Осы екі жұмыс біткен соң мен күресуді тоқтатамын.
Мен шаршадым.
Бұл менің белсенді мұғалім ретіндегі соңғы жұмысым.
Әрі қарай тыныш, бақытты өмір сүргім келеді.
Маған хабарласатындар жағдайымды сұрап қана хабарлассын!
Кездесіп ,бірге шай ішуге ғана шақырсын! Жеке мәселелерге араласпаймын енді.
Прократура, адвокаттар , сот, БББ , министр бар. Әркім өз жұмысын атқарсын!
Соларға шағымданыңыздар мұғалімдер.Мен елдер сияқты тыныш өмір сүргім келеді.Қызыма арнаймын ендігі қалған ғұмырымды.Елдер зейнетке шықса да мектептен кетпей жүр, мен белсенділіктен зейнетке 49 жасымда кетпекшімін.Алла зейнет жасына жеткізсе, сол күні жұмыстан кетемін.
Жастарға жол беру керек . Бір ғана сөз осы.
Күресуден шаршағаным рас.
Нысаналы мектептің мәселесі денсаулығымды жұлып кетті. Содан бері ақсақпын. Білесіздер.
Әрі қарай денсаулығыма қарағым келеді.
Заң талдау қанша уақыт болатынын білмеймін.
Бар күшім мен бар білімімді салып жұмыс істеймін.
Ауылыма мектеп салдыруға да солай бар күшіммен жүгіремін.
Осы жұмыстар біткен соң "Бұрынғы белсенді мұғалім" дейсіздер мені.
Ешкімде реніш болмасын !
Мен халықты, қазақты ,мұғалімдерді жақсы көремін.
Денсаулығым жарамай жүр.
Бұның бәрін неге жазып отырмын? Күн сайын көмек сұрап хабарласатындар бар. Өзім әрең жүрмін, қиын маған", деген Айман Сағидулла әріптестеріне сәттілік тіледі.
