"Жігіттер" тобының әншісі Бағлан Әбдірайымов алдағы күндері өтетін концерттеріне байланысты хабарландыру айтам деп, жұрттан сөз естіді деп жазады Democrat.kz.
"Жетісайдағы қаралы жағдайға байланысты алдағы күндері өтетін концерттеріміздің уақытын ауыстырып, осы айдың 25-іне ауыстырылатынын хабарлаймыз" деді Бағлан Әбдірайымов.
Әйтсе де, өз қаралы хабар туралы айтып тұрған Бағлан Әбдірайымовтың қолын қалтасына салып, шікірейіп тұрған тұрысы жұртқа жақпай қалды.
"Қолын қалтасынан алса, қайтеді", "не тұрыс мынау, ұят емес пе?", "қаралы жағдайда мүлде концерт бермесе, қайтеді", "қасындағы Наркенже мәз ғой" дескен жұрт ренішін жасырмады.
