Тоқаев Иранның араб елдеріне жасаған шабуылы қатаң айыпталуы керек деп санайды

02 наурыз 2026

716

Мақаланы бөлісу
Тоқаев Иранның араб елдеріне жасаған шабуылы қатаң айыпталуы керек деп санайды

Фото интернеттен.

Қасым-Жомарт Тоқаев БАӘ президенті шейх Мұхаммед бен Заид Әл Нахаянмен телефон арқылы сөйлесті деп жазады Democrat.kz. Tizginkz-ке сілтеме жасап.

Қазақстан президенті Таяу Шығыстағы ахуалдың ушығуына алаңдаушылық білдіріп, әмірліктердің басшылығы мен барша халқына шынайы құрметін, қолдауы мен тілектестігін жеткізді. Тоқаев қарулы қақтығыс барысында БАӘ азаматтық инфрақұрылымына зақым келгеніне қынжылатынын айтты.

«Қазақстан БАӘ достас әрі бауырлас ел ретінде қарастырады, қажет жағдайда қал-қадерінше көмектесуге дайын», – деді Қазақстан президенті.

Мемлекет басшысы БАӘ азаматтық нысандарына, сондай-ақ Шығанақтағы басқа да елдерге жасалған шабуыл қатаң айыпталуы керек деп санайды. Шейх Мұхаммед бен Заид Әл Нахаян еліміздің қолдауын жоғары бағалап, қазіргі халықаралық дағдарысты еңсеруде көмек көрсетуге ықылас танытқаны үшін ризашылығын білдірді.

Барлық жаңалықтар