АҚШ президенті Дональд Трамп Иранның Ормуз бұғазын қайта ашып, аймақтағы соғысты тоқтатуға арналған ұсынысын қабылдамағанын мәлімдеді. Тегеран келіссөзден бас тартпайтынын және дағдарыстың дипломатиялық жолмен ғана шешілетінін айтып отыр, деп жазады Democrat.kz.
Иран өткен аптада БҰҰ Бас Ассамблеясы кезінде өзінің бейбітшілік жоспарын жариялап, оны Катарлық делдалдар арқылы АҚШ-қа жеткізген.
Жоспар орындалған жағдайда Ормуз бұғазын қайта ашудың жеті күндік процесі басталып, аймақтағы әскери әрекеттер уақытша тоқтатылуы тиіс еді.
Алайда Трамп 26 қыркүйекте ұсынысты қабылдамағанын айтты.
Иран сыртқы істер министрі Аббас Аракчи АҚШ-тан ресми жауап әлі делдалдар арқылы келмегенін айтып, Тегеран келіссөзге дайын екенін мәлімдеді.
Иранның негізгі талаптарының арасында АҚШ-тың экономикалық және әскери қысымын азайту мәселелері бар.
Ормуздағы жағдай әлемдік экономика үшін ерекше маңызды: жеті айға созылған қақтығыс стратегиялық теңіз жолындағы мұнай тасымалын күрт азайтып, әлемдік энергия нарығына қысым түсірді.
