Танымал әзілкеш Тұрсынбек Қабатов пен жұбайы Мөлдір Мұқаннан туған қызы Әдемі Тұрсынбекқызы әкесімен қарым-қатынасы туралы пікір білдірді, деп жазады Democrat.kz.
Ол әлеуметтік желідегі парақшасында оқырман сұрағына жауап беріп, отбасындағы байланыс жайлы ашық жазған.
“Мен тек өз атымнан жауап беремін: менің папаммен, Аллаға шүкір, бәрі жақсы. Әрине, барлық адамдардағыдай реніштер мен түсініспеушіліктер болды. Бірақ менің әкем біреу ғана, мен оны қандай болса да сол қалпында қабылдаймын. Мен психологпен жұмыс істеген жоқпын, бірақ әркімнің өз өмірі барын және ешкім мінсіз емес екенін түсінемін. Ең бастысы – ол бізді жақсы көреді. Шынымды айтсам, қазір біздің қарым-қатынасымыз бұрынғыдан әлдеқайда жақсарды. Және бірден қосып айтайын: мен тек өзім үшін жауап беремін, бұл Айбым, Айару, Нұриман мен Райымбектің әкемен қарым-қатынасы нашар дегенді білдірмейді. Оларда да бәрі жақсы. Тек олар жабықтау адамдар, әркім өзі үшін сөйлейді”, – деп жазды ол.
