Ырысбала Икрамбай: Дүниені бұл дүниеге ғана емес о дүниеге де қатар жинағым келеді

02 қаңтар 2025

2746

Ырысбала Икрамбай: Дүниені бұл дүниеге ғана емес о дүниеге де қатар жинағым келеді

Жұртқа игі істерімен, қайырымдылық шаруаларымен танымал болған Ырысбала Икрамбай ендігі жерде мұндай жұмыспен айналыспайтынын мәлімдеді деп жазады Democrat.kz. Өзінің әлеуметтік желідегі парақшасында Ырысбала Икрамбай: "Өз жерінде үйсіз-күйсіз жүрген қазақты көргенде ішім күйіп кетеді,білекті сыбанып жіберіп қайырымдылықты бастағым келеді. Бірақ,Ырысбала халықтың ақшасына байып алған,халықтың ақшасына жеп-ішіп жатыр деген сөздерге тойдым.

Сол үшінде қайырымдылықты тоқтаттым халықтың жинаған соңғы тиынына дейін қайырымдылыққа жұмсап,счет нөмерімді ауыстырып заңды ИП,күйеуім ТОО ашып жұмыс жасадық. Тексеріс болмады емес болды,қағаз жүзінде халықтың ақшасы қайырымдылыққа,өзіміздің табыс жеке шығындарымызға жұмсалып жатқанын дәлелдеп шықтым" деп жазды.

Мұнан бөлек ол қайырымдылық істерінде әділдік пен адалдық болуын қаншама рет талап еткенін, кімнің кімге не берілгені ашық көрсетілсін деп талай айтқанын да тілге тиек етіп: "Берген үйді сатып жіберіп беттері қалыңдар қайта басқа қордан үй сұрап отырады. Сондықтан үйсіз қазақ азаймайды. Ырысбала халықтың арқасында күн көріп жатыр деген сөз өртеп жібереді,сөз сүйектен өтеді. Мен жарнамасының өзі екі миллион тұратын блогермен әрине көптің қолдауымен,бірақ халықтың тиындап жинаған садақасына қол салатын емес. Қазір косметика сатып қаражат табамын,одан жарнамаларым бар сол тапқан табысымнан өз қалтамнан қайырымдылық жасаймын,оның себебі менің жаным рахаттанады игі іс атқарғанда. Адамға я қоғамға пайдасы жоқ пенде болғым келмейді. Дүниені бұл дүниеге ғана емес о дүниеге де қатар жинағым келеді. Осыны түсінетін адам болса" деп ойын түйіндеді. Фото интернеттен алынды.