Таяу Шығыс елдерінің бірінде жүрген танымал әншілер Жазира мен Жанболат қазіргі жағдайлары туралы хабарлап, мәлімдеме жасады деп жазады Democrat.kz.
Жазира мен Жанболат әлеуметтік желі парақшаларында: "Құрметті отандастар!
Біздің амандығымызды тілеп, алаңдап хабарласып жатқан барша жанға шын жүректен алғыс айтамыз.
Дайрект пен WhatsApp желісіне келген көптеген хаттарға жауап ретінде сторисқа қысқаша видео жариялаған едім.
Ол видео түрлі әлеуметтік желілер мен бұқаралық ақпарат құралдарына тарап кетіпті. Ешкімді уайымдату ниетіміз болған жоқ, тек жағдайымызды сұрап жатқандарға жауап ретінде салған 1 ғана сторис еді.
Қазіргі таңда біз Оман мемлекетінің Маскат қаласына өттік.
Осы қаладан алып кететін ұшақ , елшілік өкілдерінің мәліметінше, елден жіберілетін арнайы рейстерге ең алдымен аяғы ауыр әйелдер, 1–2 санаттағы мүгедектігі бар азаматтар, 5 жасқа дейінгі балалар және қарттар отырғызылады екен. Заң солай екен.
Біз алты адамбыз және бұл санатқа кірмейміз. Сондықтан әзірге өзге елдер арқылы ұшу мүмкіндіктерін күтіп отырмыз.
Елімізде жоспарланған мерекелік концерттерімізге билет алған көрермендерден кешірім сұраймыз.
Егер сіз билет алған концертке, үлгермей жатсақ аман-есен жеткен соң басқа күнге ауыстырамыз.
Бізге тілегендеріңізді , өздеріңізге де тілейміз"деп жазды.
