Әлеуметтік желіде әнші Саят Медеуовтің жаңа видеосы тарағаннан кейін оқырмандар оның сырт келбетіне ерекше назар аударды. Көпшілік өнер иесінің бұрынғыдан жүдеп кеткенін айтып, денсаулығына алаңдаушылық білдіріп жатыр, деп жазады Democrat.kz.
Саят Медеуовтің әріптесі, әнші Бағлан Әбдірайымов әлеуметтік желідегі парақшасына онымен бірге түскен видео жариялаған.
Алайда видеоны көрген жұрттың назары екі әншінің әңгімесінен гөрі Саят Медеуовтің сырт келбетіне ауған.
Желі қолданушылары әншінің бұрынғыдан арықтап, жүдеп көрінетінін айтып, түрлі пікір қалдырған.
«Саят аға қатты арықтап кетіпті», «Көзі мұңайып тұрғандай», «Жүзі өзгеріп кеткен екен», «Денсаулығы жақсы болса екен», «Амандық берсін», «Ауырып жүрген жоқ па екен?», «Бұрынғы видеоларымен салыстырғанда қатты жүдепті», «Алла шипасын берсін», «Саят ағамыз аман болсын», «Көңіл-күйі де жоқ сияқты көрінді» деген мазмұндағы пікірлер жазылған.
Кейбір оқырмандар бір ғана видеоға қарап адамның денсаулығына қатысты тұжырым жасауға болмайтынын ескерткен. Олар адамның салмағының өзгеруіне жұмыс кестесі, шаршау немесе басқа да себептер әсер етуі мүмкін екенін айтып, орынсыз болжам жасамауға шақырған.
Дегенмен пікірлердің басым бөлігінен Саят Медеуовке деген алаңдаушылық байқалады.
Оқырмандар әсіресе әншінің жүзіндегі өзгеріске назар аударған.
«Көзі қатты өзгеріпті», «Шаршаңқы көрінеді», «Саят аға өзін күтіп жүрсе екен», «Халық жақсы көретін әнші ғой, аман жүрсін» деген пікірлер де айтылған.
Айта кетейік, Саят Медеуов бұған дейін де сұхбаттарында өмір, отбасы, адам көңіліндегі ауыр ойлар туралы ашық әңгімелеп жүрген. Қыркүйек айында берген сұхбаттарының бірінде ол ұзақ жолға шыққанда жалғыз қалып, ойланатынын, кейде көліктің ішінде жылап алуға да болатынын айтқан. Сондай-ақ өмірдегі кейбір өкініштері туралы сөз қозғаған.
Алайда қазіргі видеодағы сырт келбетіне байланысты Саят Медеуовтің өзі денсаулығына қатысты қандай да бір мәлімдеме жасағаны туралы ақпарат жоқ.
Сондықтан желідегі «ауырып қалған» деген пікірлерді расталған дерек ретінде қабылдауға болмайды. Қазіргі таңда айтылып жатқан сөздердің барлығы — видеоны көрген әлеуметтік желі қолданушыларының жеке болжамы мен алаңдаушылығы.
