Қазақстанда азық-түлік бағасын әкімшілік жолмен тоқтатып қою инфляциямен күрестің тиімді құралы болмауы мүмкін. Экономистің пікірінше, бағаны жасанды түрде ұстап тұру керісінше тауар тапшылығына немесе жасырын сауданың өсуіне әкелуі ықтимал, деп жазады Democrat.kz.
Экономист Руслан Сұлтанов бағаны қатырып қою кезінде өнімнің өзіндік құнының өсуі ескерусіз қалатынын түсіндірген.
Егер өндіруші немесе сатушының шығыны өсіп, бірақ тауар бағасын көтеруге рұқсат берілмесе, кәсіпкердің табысы төмендейді.
Соның нәтижесінде кей кәсіпкерлер сатылым көлемін қысқартуы, өнім сапасын төмендетуі немесе тауарды ресми нарықтан алып кетуі мүмкін.
Сарапшының пікірінше, инфляцияны тек дүкендегі соңғы бағаны шектеу арқылы емес, өндіріс шығындары, логистика, импорт және нарықтағы бәсекелестік секілді түпкі себептермен күресу арқылы төмендету қажет.
