Батыс Қазақстан облысының белсенді ұстазы Тілекқабыл Нұрышов өз мектептерінде болып жатқан келеңсіз жағдай туралы жазба жариялап, Оқу ағарту министрлігіне үндеу жасады деп жазады Democrat.kz.
Тілекқабыл Нұрышов өзінің әлеуметтік желідегі парақшасында: "Масқара-ай....
БҚО әкімдігі, Білім басқармасының маған арналған тосын сыйлары қашан таусылар екен?!...
Кеше Орал Қаласының Білім Бөліміне қарасты N37-мектептің директорының хатшысы қоңырау шалып, ертеңнен бастап жұмыстан шығарылдыңыз дегені. Ресми акт сұрадым. Жауап бере алмады...
Бүгін таңмен жұмысқа келсем, кабинетте "су жаңа" мұғалім отыр. Жұмысқа қабылдау туралы бұйрығыңыз бар ма десем, кеше өтініш жаздым дейді. Сонан завучтарға бардық. Бұйрық жоқ. Не қабылдау туралы, не жұмыстан босату туралы. Директор жұмыс орнында жоқ болып шықты. Завуч, директорға қоңырау шалып,, ауызша бұйрықпен, жаңа мұғалім кіретінін жеткізді. Сабақ басталды. Директор жоқ.... Енді хатшыны күтіп отырмын... Осылай шығарған актілерді сотта дауласақ, Орал Қаласының Прокуратурасы соттары заңды деп шешім шығарады...
Нариман Төреғалиұлы мырза, білім басқармасына тапсырма беру аз, оның заңды түрде орындалуын, актілердің дұрыс рәсімделуін де қадағалау керек шығар...
Жұлдыз Сүлейменова ханым, бір сабаққа екі мұғалімнің "таласып қалғаны" бұрын -соңды ҚР Оқу-ағарту министрлігінде болды ма, екен?!...
Бір қызығы осы Елжас Елдосұлы Кадыров N37-мектепке тағайындалғалы, өзі бұрын басшылық еткен N34-мектеп хатшылары бар, мұғалімдері бар (конкурс арқылы өткен) ресми түрде конкурстан өткен осымен бірнеше адам жұмысқа қабылданып жатыр.
Бұл команда жасақтау ма?! Менің орныма да, N34-мектептен қабылданған. Осы конкурсқа түскен мектеп директоры тәжірибесі бар маман конкурстан өте алмағанын айтып хабарласқан болатын. Ал, конкурстардың заңдылығын тексерген БҚО Білім Департаменті маманы Ақмарал Құсайынова тексеруші емес, директорға "адвокат" болып отырғанына дүйсенбіде көзім жеткен.
Педкеңесті заң талаптарына сай өткізе алмайтынын былай қойғанда, педагог мәртебесі заңын орындамай, мұғалімдерді сабақтан тыс уақытта кезекшілікке қойып отырғаны тағы бар. Жазбаның бейне дәлелдемелері бар...
Айтпақшы N44 ші мектеп екі сабақтан соң окошкада шығарып тастаған.Сол күнгі қалған сабақтарым өтпей қалған.( ДВГА актісі бар) Көрмегенім көп екен...." - деп жазды.
