Белгілі театр және кино актері Мұрат Ахманға күтпеген сауал қойылды, деп жазады Democrat.kz.
Актердің Талғат Теменовтың «Менің күнәлі періштем» атты фильмде жас қызбен көңіл қосатын бай-манаптың рөлін ойнайтыны белгілі. Осы ретте отандық арналардың біріне келген өнер иесіне шынайы өмірде жас махаббаты болған-болмағаны жайында тосын сұрақ қойылды.
Бұған өнер иесі «Баяғыда осылай эфирде отырған академикке ашық сұрақ қойылыпты. Сөйтсе, әлгі профессор: «Балам, сен не айтып отырсың?! Мен өмірімде бір-ақ жарды ғана сүйдім. Бала-шағам бар, тек сонымен ғана тұрамын. Қалғандарының бәрі мені алдап кетті депті», – деп әзіл-шыны аралас жауап берді.
(Мақаланы ұрлап, көшіріп басатын сайттарды заңмен жауапқа тартатынымызды ескертеміз!)
