Әнші әрі актриса Айгүл Иманбаева әлеуметтік желідегі парақшасында қоғамдағы зорлық-зомбылық мәселесіне назар аударып, жыныстық зорлық көрген адамдардың жанайқайын мысалға келтірді. «Мені анамның інісі зорлады, мені кластасымның ағасы зорлады...» деген ауыр сөйлемдерді жариялаған өнер иесі бұл тақырыпты қоғамдағы өзекті мәселе деп атады, деп жазады Democrat.kz.
Айгүл Иманбаева Instagram парақшасында зорлық-зомбылық мәселесіне арналған жазба жариялады.
«Мені анамның інісі зорлады, мені кластасымның ағасы зорлады... Бұл тақырып қоғамдағы өзекті мәселе», – деп жазды ол.
Әнші бұл сөздерді өзінің басынан өткен жағдай ретінде емес, зорлық көрген адамдардың оқиғаларын жеткізу үшін қолданған.
Өнер иесінің көтерген мәселесі – зорлықтың кейде бөтен адамнан емес, жәбірленуші жақсы білетін немесе жақын ортасындағы адамнан жасалуы мүмкін екені.
Әнші бұл тақырыпты «қоғамдағы өзекті мәселе» деп атап, көп жағдайда айтуға ауыр, жасырып қалуға оңай саналатын зорлық туралы үнсіз қалмауға назар аударған.
