Мәжіліске келген Оқу ағарту вице министрі депутаттың қазақша қойған сұрағына дұрыс жауап бере алмады. Бұл туралы депутат Абзал Құспан желідегі парақшасында мәлімдеді деп жазады Democrat.kz.
Абзал Құспан әлеуметтік желідегі парақшасында: "Бүгінгі жалпы отырыстан:
Ұлағатты ұстаз, олардың бет-беделін нығайтуға бағытталған заң жобасы қызу талқыға түсті.
- Депутат Ринат Зайытов, оқу-ағарту вице-министріне сұрақ қояды,- вице-министр жауабын қазақша бастаған болды да, орысша жалғастырады;- Ринат сұрағын қайта қоюға мәжбүр болады, себебі үкімет өкілі сұрақты түсінбеген еді;- бұл жолы вице-министрді ыңғайсыз жағдайдан Асхат Аймағамбетов әріптесіміз құтқарады.
Вице-министр үшін қарадай мен ұялдым, себебі ол жерлесім еді және әкесі марқұм бүкіл Оралдық филологтар үшін ұлағатты ұстаз болған еді.
Шәкірттеріне қазақ тілінен сабақ берген профессордың, өз балаларына уақыт таппағаны неткен трагедия десеңші…"деп жазды.
