"Қуаныштарын атап өтпек болған":БҚО-даүш түлек суға батып, көз жұмды

11 маусым 2026

198

Мақаланы бөлісу
"Қуаныштарын атап өтпек болған":БҚО-даүш түлек суға батып, көз жұмды

Мектеп түлектері. Фото дереккөзден.

Батыс Қазақстан облысында мектеп бітіру емтихандарының аяқталуын атап өтпек болған үш жасөспірім суға кетіп, қайғылы жағдай орын алды деп жазады Democrat.kz.

Оқиға 9 маусым күні Жаңақала ауданының Жаңа Қазан ауылында болған. Алдын ала мәлімет бойынша, бес түлек шомылуға тыйым салынған әрі арнайы жабдықталмаған жерде суға түскен.

Салдарынан үш жасөспірім қаза тапты. Қалған екеуі аман қалған.

Куәгерлердің айтуынша, оқушылар қорытынды емтихандардың аяқталуын атап өту үшін өзен жағасына барған. Алғашқы болып жақын маңда жүрген жастардың бірі бір баланы судан шығарып алған. Кейін жергілікті тұрғындар тағы екі жасөспірімнің денесін жағаға алып шыққан.

Барлық жаңалықтар