Ресейдің Сызрань және Саратов қалаларындағы екі ірі мұнай өңдеу зауыты қыркүйектегі дрон шабуылдарынан кейін мұнай өңдеуді тоқтатты. Сызрань зауытындағы негізгі қондырғыны жөндеуге кемінде бір ай кетуі мүмкін, деп жазады Democrat.kz.
Reuters-тің үш салалық дереккөзі Сызрань мұнай өңдеу зауыты 15 қыркүйекте, ал Саратовтағы кәсіпорын 11 қыркүйекте жұмысын тоқтатқанын хабарлады.
Сызраньдағы шабуыл кезінде тәулігіне 17,1 мың тонна мұнай өңдейтін CDU-6 негізгі қондырғысы зақымданған.
Ол зауыттың жалпы өңдеу қуатының шамамен 71 пайызын қамтамасыз етеді. Жөндеу кемінде бір айға созылуы мүмкін.
Екінші қондырғы шілдедегі алдыңғы шабуылдан кейін онсыз да жөндеуде болған.
Саратов зауыты да қыркүйекте бірнеше рет тоқтаған. Оның жылдық жобалық қуаты шамамен 7 млн тонна мұнайды құрайды.
Екі кәсіпорынның тоқтауы Ресейдің ішкі жанармай тапшылығын күшейтуі ықтимал. Мәскеу бұған дейін бензин, дизель және авиациялық отын экспортына шектеу енгізген.
