Вьетнам шетел азаматтарының елге кіру рәсімдерін жеңілдету үшін Pre-arrival Information – PAI (Алдын ала ақпарат ұсыну жүйесін) пилоттық режимде іске қосты, деп хабарлайды Democrat.kz.
Сыртқы істер министрлігі таратқан ақпаратта Вьетнам тарапының мәліметінше, бұл жүйе шетел азаматтарына Вьетнамға сапар алдында қажетті ақпаратты онлайн режимде алуға мүмкіндік беретіні айтылады. Нәтижесінде шекаралық бақылаудан өту уақыты қысқарып, әуежайдағы жолаушылар ағынын оңтайландырады.
"PAI жүйесі қазіргі уақытта Таншоннят халықаралық әуежайында пилоттық режимде жұмыс істейді және алдағы уақытта Вьетнамның Нойбай, Дананг, Камрань және Фукуок халықаралық әуежайларында енгізіледі. Сондай-ақ мемлекеттік шекарадағы басқа да өткізу пункттерінде кезең-кезеңімен енгізу жоспарланып жатыр", - дейді министрлік.
