Танымал белсенді педагог Айман Сағидулла жас мұғалімдер туралы жағымды хабарымен бөлісті деп жазады Democrat.kz.
"Жұлдыз Сүлейменова ның шақыртуымен кездесуге барып, басқаша бір ой түйдім.
Асхат Аймағамбетовтің кезінде біз көп мәселе көтердік. Өте көп мәселе шешілді.
Жұлдыз ханыммен кездесуде жастардың көбейгені, айтары барлардың көптігі көзге түсті.
Қуандым.
Мұғалімдер кәдімгідей айтқыш болып алған екен.
Көңілің толады. Бәрі де ақылды, дұрыс мәселелер көтерді.
Жастармен жағаласып бармасақ та болатын сияқты.
Бәрін өздері шешіп тастайды екен негізі.
Мен соны түсіндім.
Біз айтпасақ та айтып-айтып тастайтындар көбейіп кетіпті.
2015 жылы төртеу ғана едік қой. Қазір көппіз.
"Атыраудан бесеуміз, Ақтаудан онбыз, Шымкенттен жетеуміз, Алматыдан бесеуміз, Астанадан тоғызбыз. Біз мыңбыз! "-деп тұрғандай көрінді маған жастар.
Бұған да шүкір!
Осы еді ғой біздің арманымыз.
Біздің де айтарымыз көп. Сонда да жастар өсіп келеді.
Олар бізге сөз қалдырмайтын сияқты.
Келесі жолы онлайн кездесуге ғана қатысамын.
Астанаға ат арытып баратындай жұмыс қалмаған екен маған. Жастарға жол берген дұрыс қой.
Жазарымызды онсыз да жазып отырмыз .Жұлдыз ханым оқып отыр.
Жұлдыз ханым депутаттармен заң талқылауға шақырса барармын.
Басқа мәселенің бәрін жастар айтып-айтып тастады.
Айнұр Жамалбекқызы сөйлегенде ауызымды аштым да қалдым.
Аттарын мен білмейтін қаншама жастар сөйледі.
Жастар ақылды.
Жұлдыз ханым да мықты министр. Бәрі жақсы болатынына сенемін!
Сөйлейтіндер көбейгеніне қуаныштымын"деп жазды Айман Сағидулла.
