Алматыдағы Рысқұлов даңғылында ірі габаритті конструкция тасымалдаған жүк көлігі жаяу жүргіншілер көпірінің астынан өте алмай қалды. Жүк жолға құлап, көпір зақымданғандықтан, қаладағы маңызды көлік артериясында үлкен кептеліс пайда болды, деп жазады Democrat.kz.
Оқиға 6 қыркүйекте Рысқұлов даңғылында болды.
Ұзын өлшемді жүк көлігімен ірі конструкция тасымалданып жатқан.
Алайда жүктің биіктігі жаяу жүргіншілер көпірінің астынан өтуге мүмкіндік бермеген.
Соқтығысудан кейін конструкция жолдың үстіне құлап, көпір де зақымданды.
Оқиға көлік қозғалысын айтарлықтай қиындатып, Рысқұлов даңғылында кептеліс қалыптастырды.
Арнайы қызметтер құлаған жүкті алып, жолды босату жұмыстарына кірісті. Оқиғаның мән-жайы мен тасымалдауға қажетті рұқсаттардың болған-болмағаны анықталады.
