Атырау жақта мыңдаған қой қырылып жатыр

14 маусым 2026

386

Мақаланы бөлісу
Атырау жақта мыңдаған қой қырылып жатыр

Атырауда қырылған қойлар. Фото дереккөзден.

Жылыой ауданында маусым айының басында болған қолайсыз ауа райы салдарынан бірнеше мың қой шығынға ұшырады. Ең көп зардап шеккен шаруашылықтар Құлсары қаласынан 100–120 шақырым қашықтықта орналасқан жайылымдық аумақтарда тіркелген деп жазады Democrat.kz.

Оқиға 2–3 маусым күндері болған. Екі күн бойы толассыз жауған жаңбырдан кейін бұршақ аралас қатты дауыл соғып, ауа райы күрт нашарлаған. Соның салдарынан мыңға жуық қой қырылған.

Мамандардың айтуынша, мал шығынына негізінен жақында ғана қырқылған қойлардың ауа райының күрт суытуына төтеп бере алмауы себеп болған. Ауданның басқа бөліктерінде мұндай жағдай тіркелмеген.

Қазіргі уақытта қырылған мал санитарлық талаптарға сәйкес көмілген. Жергілікті ветеринариялық қызмет пен жауапты органдар шығын көлемін нақтылап, жағдайды бақылауда ұстап отыр.

Барлық жаңалықтар