Бұрынғы мұғалім Айгерім Қалихан мектептен кетіп, жаңа өмір бастағаны туралы жазба жариялап, ол жазбасы қызу талқыға түсті деп жазады Democrat.kz.
Осы жылы мектептен жұмыстан шықтым. Басында қатты тревожность болды. Қалай болады? Жұмыссыз күн қалай өтеді? деген.
Бірақ 1-2 айдан кейін мидың тыныштала бастағанын байқадым. Адамның орнын адам басады дегендей,оқу процесі менсіз де жалғасып жатыр,тіпті ешкім есіне де алмайды екен.
Бұрын 24/7 жұмыс жасайтын ми демала бастады. Тыныш вацап,тыныш өмір,тыныш ми. Мен ешкімге жұмысты таста демеймін, бірақ миыңызда бұдан басқа нәрсе де қолымнан келеді деген ой болса тоқтататын уақыт келді.
Мұғалімдерде басқа адамдарға қарағанда жұмысқа деген қабілет 10/10 болады. Тез үйреніп кету,қиындыққа шыдау,қағаздармен жұмыс.
Ал ондай мүмкіндігі бар адамдар қазіргі заманда жұмыссыз қалуы мүмкін емес.Ойланып жоспарлап көріңіз,мүмкін бостандыққа шығатын уақыт келді?!"деп жазды Айгерім Қалихан Threads парақшасында.
Айгерімнің бұл жазбасына қатысты әріптестері түрлі пікір білдіруде. Басым көпшілігі мектептен безіп қашқылары келіп жүргенін, бірақ нақты шешім қабылдай алмай жүргенін жеткізіпті. Төменде бірнеше мұғалімнің пікірін назарыңызға ұсынып отырмыз. Мұғалімнің мектептен, мұғалім болудан бас тартуының көбеюі үлкен қауіп емес пе, қалай ойлайсыз?
"Маған өз мамандығым қатты ұнайды, балаларға білім беру керемет сезім сыйлайды, бірақ мектепте емес, мектепте толық жұмыс жасауға, толық білім беруге мүмкіндік жоқ, қағаз-қағаз, отчёт, бітпейтін іс-шара, оқу орталығы ашып, соны жүргізу керек болып тұр, балаларға беріліп сабақ өтіп, бар білгенімді үйрететін, еркін, уақыт шектеуі жоқ, жұмыстан соң рахаттанып демалатын болуға не жетсін.Мектепте мұғалімдер 24/7 жұмыс істейміз.Телефонға жіпсіз байланып, кім не жазар екен, ата-ана не айтар екен...деп"
"Мен де, осы мамандықты таңдағаныма өкінемін кейде. Оқушыларымды қатты жақсы көремін, біраұ өз тарелкамдағыдай сезінбеймін өзімді. Қазіргі ата-аналар да өте қиын, қит етсе директорға жүгіреді. Жұмыста телефон көтергенім үшін сөгіс берді. Соңғы кездері депрессияда жүрмін. Шығып кетейін десем ипотека төлеу керек, қорқыныш бар болашаққа деген".
"Биыл жазда точно кетем деп өзіме сөз бердім, біржола репетиторствоға. 27жылда кеткен денсаулығым-ай шіркін, енді шыдай алар емеспін, енді қалсам өліп кететіндей сияқтымын. Алла жар болсын бізге"
"Мен де солай жұмыстан шығып кеттім мектептен. 4 жыл бойы жұмыс істеп, выгораниенің көкесі болды ғой. Мен 4 жыл ғана істеп солай шаршап кеттім, 20-30 жыл істеп жүрген мұғалімдерге таң қалатынмын Бір жеке өміріңе уақыт жоқ, өзіңнің хоббиіңе уақыт бөлуді вообще армандай ғана аласың. Сосын осы февральдан бастап мектептен шығып кеттім. Миым тыныш, жүрегім тыныш, ватсаптағы 1040 группа жоқ, күшті"
"Сыныпта 30-45 оқушы, бітпейтін қағазбастылық, 30-45 ата-ана сізді жұлып жеуге бар, үй жұмысын орындамайды, қызықпайды, кітап оқымайды. Айлығы мардымсыз, майк-ап жасайтын қыздар мұғалімнен 2-3 есе артық табады. Басшылықтың давлениесі, үлкендердің жастарға давлениесі"
(Мақаланы ұрлап, сілтемесіз көшіріп басатын сайттарды заңмен жауапқа тартатынымызды ескертеміз!)
