"Мүфтияттың АҚШ-та виллалары бар" дейді журналист

30 маусым 2024

933

Мақаланы бөлісу
"Мүфтияттың АҚШ-та виллалары бар" дейді журналист

Мемлекеттегі белгілі бір діни ұйымдардың қаржылық, материалдық мәселесі кімді де болса, қызықтырары сөзсіз. Мысалы, әлемдегі үлкен діннің бірі саналатын Исламның кей елдердегі материалдық жағдайы қалай екен? Tele-1 Уашингтон арнасының Түркиядағы ресми тілшісі Йылмаз Полаттың ақпаратына сенсек, түрік мүфтиятының Америкада 11 вилласы мен екі алып үйлері бар көрінеді. Тағы бір қызық деректі алға тартқан журналист түркиялық мүфтият өкілдерінің АҚШ-та 88 миллион долларлық "қазынасы" да барын айтады. Осы ақпаратқа орай Ердоған билігінің оппозиция тарапы түрлі сауалдар жолдағанымен, ешбір сұрағына жауап ала алмады. Түріктің оппозиционер журналисі Фатих Алтайлы бұл хабарды естігенде таңғалғанын жасырмай: "Өздері қажылыққа жіберген кісілерді аңдитын, компромат жинайтын мүфтият, сириялық кедей-кепшікке "қайырымдылыққа" деп жұрттан ақша жинағыш мүфтият, Еуропада "Исламды насихаттап жүрміз" деп 5 жұлдызды отельдерден видео жолдағыш мүфтияттың бұл әрекеті расымен де харам тірлік! Сол мүфтияттың осындай тірліктерінің кесірінен миллиондаған адам Исламнан безіп жатыр!" - деп күйінішін жасырмады.

Ақпаратты түрік тілінен аударып, дайындаған

Ұлжан БАҚЫТ.  

  Фотода Фатих АЛТАЙЛЫ. https://www.tiktok.com/@bno.net/video/7384034057874590981?_r=1&_t=8nd3RRetXWQ
Барлық жаңалықтар