Қазақстан алдағы бес жыл ішінде Азия инфрақұрылымдық инвестициялар банкінен шамамен 6 млрд доллар көлемінде жеңілдетілген ұзақ мерзімді қаржы тартуды жоспарлап отыр, деп жазады Democrat.kz.
23 қыркүйекте Құрылтай депутаттары Қазақстан Үкіметі мен Азия инфрақұрылымдық инвестициялар банкі арасындағы әріптестік туралы келісімді ратификациялау жөніндегі заң жобасын екі оқылымда мақұлдады.
Ұлттық экономика министрі Серік Жұманғариннің айтуынша, рамалық келісім ратификацияланғаннан кейін алғашқы бес жыл ішінде экономикаға шамамен 6 млрд доллар «ұзақ ақша» тартуға мүмкіндік береді.
Қаражат жеңілдетілген шарттармен беріледі.
Алғашқы жобалардың қатарында:
Жезқазған–Қарағанды;
Ақтөбе–Қарабұтақ–Ұлғайсын;
Атырау–Доссор автомобиль жолдары;
Мойынты–Қызылжар теміржол учаскесі бар.
Үкімет мұндай қаржыландыру бюджетке түсетін салмақты азайтып, мемлекет қаражатын басқа басым жобаларға бағыттауға мүмкіндік береді деп түсіндіреді.
Сонымен қатар несие көлік, энергетика, цифрлық байланыс және басқа инфрақұрылымдық жобаларға пайдаланылуы мүмкін.
