Қазақстандағы екінші деңгейлі банктер тамызда 213,4 млрд теңге таза пайда алды. Бұл шілдедегі көрсеткіштен 6 пайызға көп, ал ең жоғары табыс Halyk Bank пен Kaspi Bank-ке тиесілі болды, деп жазады Democrat.kz.
Ұлттық банк жариялаған статистика негізінде жасалған есеп бойынша банк секторының табыстылығы тамызда қайта өскен.
Бір айдағы таза пайда 213,4 млрд теңгені құрады.
Ең жоғары пайда көрсеткен банктердің алғашқы орындарында Halyk Bank пен Kaspi Bank қалды.
ForteBank те қайтадан ең табысты бес банктің қатарына кірген.
Банк пайдасы несие портфелі, комиссиялық кіріс, бағалы қағаздар, валюталық операциялар және басқа қаржы қызметтерінен қалыптасады.
Сонымен қатар банктердің табыстылығын жеке азаматтардың несие мөлшерлемесімен тікелей теңестіруге болмайды: қаржы ұйымдарының шығындары, резервтері, салықтары және қорландыру құны да есепке алынады.
