"Заңсыз сауда": Алматыда Наурыз көже қоқысқа төгілді

23 наурыз 2026

523

Мақаланы бөлісу
"Заңсыз сауда": Алматыда Наурыз көже қоқысқа төгілді

Фото видеодан скринделді.

«Заңсыз сауда жасаған» деген уәжбен Алматыда Наурыз көжесінің қоқысқа тасталуы қоғам наразылығын туғызды деп жазады Democrat.kz. сайты  Halyqmedia.kz.-ке сілтеме жасап. 

22 наурыз күні Алматы қаласындағы Астана алаңында түсірілген видео әлеуметтік желілерде кеңінен таралып, қоғамда қызу пікірталас тудырды.

Кадрларда мерекеге орай дайындалған тағамдардың, оның ішінде Наурыз көженің арнайы техникаға тиеліп, қоқысқа тасталып жатқанын көруге болады. Видео TikTok желісінде Ақерке есімді пайдаланушының парақшасында жарияланған.

Видео авторының айтуынша, бұл жағдай көше саудасына шектеу қойылуына байланысты орын алған.

 «Халыққа сауда жасатпай осылай тамақтарды лақтырып жатыр. Қаншама адамның еңбегі зая кетті», – деп жазды ол.

 Желі қолданушылары бұл жағдайға қатысты түрлі пікір білдіруде. Бірі мұндай әрекетті сынға алып, мерекелік тағамға деген құрметтің сақталмағанын айтса, енді бірі заң талаптарының сақталуы қажеттігін алға тартуда.

Қазіргі уақытта аталған жағдайға қатысты ресми түсініктеме жарияланған жоқ.

Барлық жаңалықтар