Сахна сыртындағы сұмдықтар: "Гүлжан мені ыстық шайнекпен ұрмақ болды"

10 наурыз 2025

5486

Сахна сыртындағы сұмдықтар: "Гүлжан мені ыстық шайнекпен ұрмақ болды"

Журналист Аман Тасығанға арнайы сұхбатқа келген танымал әртіс Мұхамеджан Мырзакеев "Тамаша" ойын-сауық отауы мен кейіннен құрылған "Күлкі керуенінде" болған шындық жайттар туралы айтып берді деп жазады Democrat.kz. Сұхбаттың ең басты сұрағы - "Тамаша" ойын-сауық отауының бұрынғы әртісі Гүлжан Қалыбаеваның үйіне қатысты басталды. Естеріңізде болса, Амана Тасығанға берген сұхбатында танымал актриса Гүлжан Қалыбаева "Алматыдағы 2 бөлмелі үйімді Мұхамеджан алып қойды" деген еді. Осыған қатысты Мұхамеджан Мырзакеев: "Тамашадан" кеткен соң, "Күлкі керуені" құрылды. Міне, сол әзіл-сқақ театрына жұмысқа келуді өтініп, Гүлжанның өзі ұсыныс жасады. Алайда мен Талғарда тұратынымды, жұмысқа барып-келуім қиын болатынын, егер баспана мәселесі шешілсе, жұмыс істеуге дайынмын дедім. Арада екі күн өткенде, Гүлжан хабарласып, Алматыдағы бөлмелі үйін беретінін, оның ақшасы ретінде "Республика" сарайында өтетін әр концерттің гонорарын бермейтінін айтты. Келістік. "Республика" сарайында өтетін концерттен өте үлкен ақша түседі. Соған қарамастан, тек аймақтарға баратын гастрольден түсетін гонорарды ғана алатын болып, Гүлжан екеуіміз келісіп, оның үйін әйелімнің атына жазып берді", - дейді. Мұнан бөлек, Мұхамеджан Мырзакеев "Күлкі керуенінен" не себепті кеткенін айтып берді. "Гүлжанның өзі де айтты ғой, ішкілікке салынғанын. Жұмыста жиі ішетін еді. Тіпті бір концерттерде оның мас екенін аңғарған көрермен "әртістердің бәрі - алқаш! Неге ішіп алып сахнаға шығасыңдар?" деп айғайлаған кез де болды. Бірақ менің шыдамымды тауысқаны - Атырау облысына барған гатрольдік сапарымызда болды. Театр залы лық толы көрермен. Концертіміз жақсы басталған. Алайда Гүлжан бірінші бөлімнен кейін ішіп алып, ұйықтап қалды. Көрермен бізге қатты ренжіді. Сол жолы оған қатты ренжідім, неге бұлай еттің дедім. Ал ол болса, қайнап тұрған шайнекті ыстық суымен маған қарай лақтырды. Абырой болғанда, шайнек қабырғаға тиіп, аман қалдым. Концерттен кейінгі болатын банкетке бармай, тіке Алматыға ұшып кеттім. Ол күннен кейін о Гүлжанды көрмедім. "Күлкі керуенінен" осылайша кеттім", - дейді Мұхамеджан Мырзакеев. Фото редакцияның коллажы. https://youtu.be/eXfLqDnGuCs?si=IUmB9ncRO7A1u_ic