Қазақстандық ата-ана мектеп оқушыларына тапсырма орындау үшін ұсынылған TopIQ платформасының қолайсыздығына шағымданды. Оның айтуынша, жүйеге кірудің өзі қиын, орыс тіліне аударылған кейбір мәтіндер түсініксіз, ал тапсырмалардың әріптері тым ұсақ. Ата-ана баласының мұндай жұмысты өз бетінше орындауы қиын екенін айтып, білім бөліміне наразылық білдірді, деп жазады Democrat.kz.
Әлеуметтік желіде мектеп оқушыларының TopIQ электрондық платформасы арқылы тапсырма орындауына қатысты ата-ананың шағымы жарияланды.
Жазба авторының айтуынша, мектептер балалардан осы жүйеде жұмыс істеуді талап етіп отыр. Алайда платформаға кіріп, қажетті тапсырманы орындаудың өзі әуре-сарсаңға айналған.
«Здравствуйте. Школы заставляют делать задания на платформе топ айкью. Во первых в нее пока зайдешь, изнервничаешься, тысяча паролей. Ребенку самому справится сложно», – деп жазған ата-ана.
Ол платформадағы тапсырмалардың мазмұнына да наразылық білдірген.
«Бала екеуміздің көзіміз ауырып кетті»
Ата-ананың айтуынша, платформадағы орысша аудармалардың бір бөлігі дұрыс жасалмаған.
Оған қоса тапсырмалардың әріптері тым ұсақ болғандықтан, оларды оқу қиын.
«Во вторых там в меню много некорректного перевода на русский язык. В третьих вы посмотрите на этот шрифт. Это я сфотографировала пол телефона. У ребенка и у меня глаза заболели вчитываться», – деп жазған ол.
Жарияланған фотосуретте математика пәнінен есептер берілген. Тапсырмалардың бірі ежелгі киімдерді қалпына келтіруге жұмсалған моншақтардың жалпы санын анықтауға арналған.
Есептің шарты, амалдары мен жауаптары шағын қаріппен көрсетілген.
Ата-ана мұндай тапсырманы телефон экранынан оқудың қиын екенін жеткізген.
«Білім бөлімі, не істеп жатырсыздар?»
Жазба авторы шағымын білім саласына жауапты мекемелерге бағыттаған.
«Отдел образования, вы что творите????!!! Вы почему обязываете к этому учеников??» – деп сұраған ол.
Ата-ананың наразылығы электрондық платформаның өзіне ғана емес, оны мектеп оқушыларына міндеттеу мәселесіне де қатысты.
Оның сөзінше, бала тапсырманы өздігінен орындай алмай, ата-анасының көмегіне жүгінуге мәжбүр.
Ал жүйеге кіру, мәтінді оқу және тапсырманың мазмұнын түсіну қосымша уақыт алады.
Жарияланымда нақты қай мектептің оқушыларына TopIQ платформасындағы тапсырмаларды міндеттегені көрсетілмеген.
Сондай-ақ платформаны пайдалану туралы тапсырманың мектеп әкімшілігінен, жергілікті білім бөлімінен немесе басқа мекемеден берілгені белгісіз.
Электрондық тапсырманы орындау кімге қиындық туғызып отыр?
Жазба авторы балалардың электрондық тапсырмаларды орындауына қарсы екенін айтпаған. Ол платформаның қолжетімділігі мен пайдалануға ыңғайлылығына наразылық білдірген.
Әзірге TopIQ платформасының өкілдері мен білім саласына жауапты мекемелердің осы шағымға қатысты түсініктемесі ұсынылған жоқ.
Ата-ананың көтерген басты сұрағы жауапсыз қалып отыр: оқушы өздігінен орындауы тиіс тапсырма неге ата-анасының көмегін қажет ететіндей күрделі жүйеде беріліп жатыр?
