"Платон менің досым, бірақ ақиқат одан қымбат". Аятжан Ахметжанұлы, сен екеуміз бір бірімізді танығалы 10 жылға жуықтады.. Иә, сен мықты менеджерсің..
2024 жылдың көктеміне дейін сені барлық жағдайда қолдап келгенімді білесің..
Бірақ ішімде сауал жүрді..
21 ғасырда "Ұлттық мектеп" деген қалай өзі?
Сабақты қазақ тілінде өтсе ұлттық мектеп болады ма?
"Үлкенге құрмет, кішіге ізет" деп тәрбиелесе ұлттық мектеп болады ма?
Олай дейін десем үлкенді құрметтеп, кішіні сыйлайтын қазақтан өзге де ұлттар жетіп артылады..
Әлде сабаққа ұлттық киіммен келу ме?
Әлде ұлттық мектеп болса, ұлттық математика, ұлттық химия, ұлттық физика болады ма?
Аятжанның "ұлттық мектеп" деп жүргені не болды екен? - деген ой мазалайтын..
"Ұлттық мектеп" дегеннің концепциясы бар ма? - деп бір-екі рет сұрағанымда естімедің, әлде естімеген түр істедің..
Енді әлеуметтік желі бетінде жауап беруіңе болады..
2024 жылы наурызда мектебіңнің 10 жылдығын атап өттің. Бардық..
Қызметкерлеріңе жүз мыңдап, миллиондап сертификаттар тараттың. Кейбіріне пәтер бердің.
Үндемей-ақ қояйын деп едім, Мира Барказатқызы апаң "Аятжанды қолдамадың" деп, менің атыма біраз нәрсе айтып тастады..
Тағы біраз бұрынғы пікірлестерім атымды атамаса да, меңзеп біраз нәрсе жазып тастады..
Сонымен, өткен жылы сенің тойыңнан келген соң, менің Шымкенттегі ең сенімді серігім Айдана Батырхан хабарласып, сенің мектебіңде істейтін інісі Жалғас Батырхан сен Шымкенттен курс ашқанда машинасын сатып, 5 млн ақша құйып акционерің болғанын және мұғалім боп жұмысқа кіргенін, бірақ соңғы бірнеше айда жалақы ала алмай, келін екеуінің арасы дұрыс болмай жүргенін айтты. Қысқасы машина да жоқ, дивиденд те жоқ, жалақы екі бастан жоқ деді, ол..
Қателеспесем, бұл 2024 жылдың наурыздың соңы.
Мен маған хабарласып "проблеманы шеш" дедім.
Біраз күннен кейін Айдана "Інім ақшасын алды" деді.
Мен қателесуім мүмкін. Олай болса өзің түзетерсің, Аятжан..
Содан кейін мен сенімен байланысты үздім..
Парақшаңда "Ұлттық мектеп" болғаны үшін қысым жасалып жатыр деп жатсың .
Өткен жылдың соңынан бері тек сенің мектебіңде емес, барлық жекеменшік мектептерде қаржылық қиындықтар болып жатыр.
Неге екенін білмеймін, олардың қысым туралы айтып жатқанын аңғармаппын..
Осыдан бірнеше жыл бұрын мемлекет сол 3 ауысымды мектептерді жою үшін талаптарға сай келмеуіне көз жұмып, өзі қаржыландырып, жекеменшік мектептерді көптеп ашуға рұқсат берді..
Енді соңғы жылдары мемлекет мектептерді көптеп өзі салуға кірісті де, жағдай біршама түзелді.
Жағдай түзеле басталған соң мемлекет жекеменшік мектептерге қаржы бөлуді азайтып, Білім стандарттарынан бастап, СНиП, СЭС, өрт қауіпсіздігі т.с.с. талаптарға сай болуын қатаң қадағалай бастады..
Енді бәсекеге шыдай алатын білім ошақтары ғана қалады..
Сондықтан бұл жерде "ұлтты", тағы бірдеңені араластыру артық әңгіме..
Өзге де жекеменшік мектептердің құрылтайшыларымен сөйлесіп көрсеңіздер көздеріңіз жетеді..
Сен мықты менеджерсің..
Өз мектебіңдегі қаржылық қиындықтарды ұлтшылдығыңмен бүркемелеу саған болмайды...
Анау жақтастарыңа сәлем айт..
Мен өмір бойы қолдап жүрем деп ешкімге сөз берген емеспін.
Заң мен тәртіп барлығына ортақ!
Өмір ШЫНЫБЕКҰЛЫ, белсенді ұстаз.
