Испанияға көшіп барсаңыз 16 мың доллар береді

Испанияда Амброз алқабына көшіп баратын адамдарға 16 мың доллар ұсынылуда. Осылайша билік қашықтықта жұмыс істейтін азаматтарға қолдау беріп, бос қалған елді-мекендерді жандандырмақ. Бұл туралы Stan.kz ақпарат агенттігі The Sun басылымына сілтеме жасап хабарлайды. 

Амброз алқабын жандандыру үшін жергілікті шенеуніктер, ең алдымен, қашықтан жұмыс істеуге мүмкіндігі бар жұмысшыларға сенеді.

«Амброзда тұрыңыз» деп аталатын бағдарлама тұрғын үй, жер және басқа да шығындарды жабу үшін қаржылық қолдауды қамтамасыз етеді. Бірақ қоныс аударушылар онда кем дегенде екі жыл өмір сүруі қажет.

Амброз алқабы таулармен қоршалған және ел астанасы Мадридтен үш сағаттық жерде орналасқан. Аймақтың ең үлкен ауылы Эрваста небәрі 3 907 тұрғын бар. Ал кейбір басқа муниципалитеттерде тіпті 200-ден аз адам тіркелген. Сондықтан Испания үкіметі осы маңызды демографиялық жағдайды өзгертуге тырысуда.

Мемлекеттік бағдарлама аясында 200 қоныс аударушы қашықтан жұмыс істей алады.

«Табысы жоғары білікті мамандарды тарту біздің экономикамызға өте оң әсер етеді. Бұл тұтынудың өсуіне ықпал етеді, жерімізді таланттармен байытады, мүмкіндіктерді кеңейтеді», — деді Испанияның экономика, Жұмыспен қамту және цифрлық трансформация министрі Гильермо Сантамария.

30 жасқа дейінгі әйел үміткерлер, 5 мыңнан аз тұрғыны бар қалаға көшуді шешсе, 11 мың доллар алады. Оларға екі жылдық оқу курсын аяқтағаны үшін тағы 5 мың доллар төленеді.

Ал 30 жастан асқан адамдарға төлем бұдан сәл аздау. Оларға бастапқы төлем 8 900 және қайталама төлем 4 400 доллар.

Кімдер өтініш бере алады?

Үміткер соңғы алты айда Испанияның бұл аймағында тұрмаған болуы керек;

Елде болу және шетелдік сәйкестендіру нөмірі болуы заңды. ЕО-ға кірмейтін елдердің азаматтары да өтініш бере алады. Бірақ олар виза алуы керек;

Технологиялық салада қашықтан жұмыс істейтіндер.

Фото интернеттен алынды.