Арақтан уланған ирандықтар саны артуда
Иранның төрт провинциясында соңғы уақытта метил спиртінен жасалған контрафактілі алкогольді ішкен адамдардың өлімі мен улану фактісі артып келеді.
Жасанды сусындарды өндірумен айналысқан күдіктілер қамауға алынды, бірақ өте қауіпті сусындар Иран нарығында әлі де бар, деп хабарлайды Qazaq.today ақпарат порталы.
Басылымның хабарлауынша, елдің төрт облысында метил спиртінен жасалған алкоголь өнімдерін тұтыну салдарынан көз жұмғандар және көру қабілетінен айырылғандар саны артып келеді.
Осы уақытқа дейін 48 адамның қайтыс болғаны белгілі болған. Олардың жартысынан астамы Мазондаран аймағын, қалғаны Гилан, Занджан және Хамадан аймақтарын мекен еткен.
Төрт провинцияда жүздеген адам уланып ауруханаға түскен, олардың кейбіреулері көру қабілетінен айырылды.
Қайтыс болғандар мен зардап шеккендердің қандай сусын ішкені және оны қай компания жасағаны туралы ақпарат жоқ.
Контрафактілік өнімдерді дайындауға және таратуға қатысы бар күдіктілер ұсталғанымен, үкімет қауіпті өнімдерді нарықтан жүйелі түрде алып тастауға қауқары жетпей отыр.
Фото көрнекілік үшін интернеттен алынды.
