«Араб тілі — әлемдік тіл» дейді уағызшы Нұрсұлтан (ВИДЕО)

ТикТок әлеуметтік желісінде тараған видеода танымал уағызшы Нұрсұлтан Рысмағамбетов араб тіліне қатысты пікірін айтты деп жазады Democrat.kz.

Тау бөктерінде бір топ кісімен серуендеп жүрген уағызшыға егде жастағы кісі: «Арабтың адамдарын айта бермей, Шәкәрім, Абай туралы уағыз айтуға болмай ма?» деген сауал қойды.

Неге екені белгісіз, бұл сұраққа қатысты уағызшы Нұрсұлтан «бұл да бір -ауру ғой, сізге бір емделіп алу керек екен, аға» деп барып: «Абайдың да, Шәкәрімнің де сөздері қарап отырсаңыз, сол айналып келгенде — тұнып тұрған ілім ғой»,- деп, «Абайдың өзі айтады ғой, «балаң білімді болсын десең — араб пен парсының тілін үйрет» деп. Қазір енді парсы тілі бітті ғой. Қазір балаға араб тілі мен арабшаны үйрету керек. Әлемдік тіл солар болып тұр ғой», — дейді.

Араб тілі — әлемдік тілге қашан айналды? Сіздің хабарыңыз бар ма?

Дайындаған — Әлия БОЛАТҚЫЗЫ.

Фото видеодан скринделіп алынды.