Ливан-Израиль соғысы басталды

Израильдік БАҚ үшінші Ливан-Израиль соғысының басталғаны туралы жазды, деп хабарлайды Ulysmedia.kz.

Дереккөздердің хабарлауынша, Израиль әскери-әуе күштері Ливанның оңтүстігінде әуе шабуылын ұйымдастырып  «әуе операциясының» басталғанын жариялады.

Израиль мен Ливан арасындағы шекарада Израиль армиясы мен Хезболла күштері арасында қызу шайқастар басталды.

Хезболла жетекшісі Ливан өзінің бүкіл тарихындағы ең үлкен шабуылға ұшырағанын және жағдайды соғыс жағдайы деп сипаттағанын айтты.

ҚАШАН БАСТАЛДЫ

17 қыркүйек күні Израиль Ливан тұрғындарының пейджерлеріне қашықтан шабуыл жасап, оларды жарып жіберген.

АРАСЫНДА ЕЛШІ ДЕ БАР

Жараланғандардың арасында Иранның Бейруттағы елшісі де бар.

“ИЗРАИЛЬ БАРЛАУ АГЕНТТІКТЕРІНІҢ ӘРЕКЕТІ”

Елдегі пейджерлерді «Хезболла» әскерилендірілген тобының мүшелері пайдаланады. Бірнеше ай бұрын қозғалыс жетекшісі топ мүшелерін бұзуы мүмкін смартфондардан қауіпсіз пейджерлерге көшуге шақырған.

ХАЛЫҚАРАЛЫҚ РЕАКЦИЯ 

АҚШ Мемлекеттік хатшысы Энтони Блинкен Америка Құрама Штаттарына жарылыстар туралы ескертілмегенін және қазіргі уақытта болған оқиға туралы ақпарат жинап жатқанын айтты. Ресейдің Сыртқы істер министрлігі шабуылды «қасақана» деп сипаттап, оның мақсаты Таяу Шығыста ауқымды қақтығыс тудыруы мүмкін екенін атап өтті.

Иорданияның Сыртқы істер министрі Израильдің әрекеті аймақтағы шиеленісті күшейтіп, бірнеше майданда өршуге ықпал ететінін айтты. Түркия президенті Режеп Тайып Ердоған да Израильдің Газа секторынан тыс қақтығыстарды кеңейту әрекеттеріне алаңдаушылық білдірді.